Majlis Pertunangan Itie - 5 Disember 2009

Ewah..ewahItie..bergayo serbo putih menunggu rombongen
Sang Kumbang ndak momotek bunga datang dari Johor.
Tukang mekopnyo Ichor Alang..amacom..ok idak?

Rombongen minang udah sampai..mano satu pilihen Itie?
err..ado ko dalom gamba ko?..he..he

Wah sebok botol tuen ghumah. Majlis kali ko buek kek ghumah Camet
dongen Lin di Bandar Putra Mahkota dokek Bangi. Cantekk jugak
to..sekughang2nyo dapek jugak sedaro maro meraso poie ghumah si Camet nun.
Kalou idak ontah bilo taun nak sampeinyo..iyo dak?

Antaro taiko2 yg dapek bersamo pada ari to..memasing meghibo anak ..meriah beb..
Brader Adi to bilo laie? he..he.. Abang pie sompek bagi ceghamah kerjayo laie...he he

Iko pulo sesedaro pompuen kito..ramei yo yg dapek meenghadirken diri..Umi ado..Alang Ado..Uwo Enon ado. Timo kasih la semuo yo..Belah Alang ramei yg dapek samo..Kak Ita pon ado..dio la yg menghangetkan suasano tapi bilo di caghi gambanyo tadak..magic botol...

Suasano perbincangen. Belah kito siapo lagi kalou idak Tuen Pengerusi...Mak Teh la.. caya la . Ikut janjinyo setahun...Tarikh tadak laie..kalou ado tarikhnyo nanti akan diberitahu..

Solosai berbincang..maken la . Sonyop bilo dapek maken potang ..
sodop tu..bihun ado, bubur kacang ado, samosa ado, donet ado..
Aida Alang pulo ado bawak kuih koci..pergh A+...
Roti canai Ucu?..dah...pagi tadin.

Cincin disarung tando ikaten. Tahniah yo Itie.
Kito doakan supayo semuanyo selamet hingga ko jinjang pelamin...insyaallah.

Masing2 mengingtai kek hantaren.. Apo tulihnyo tu?!

Itie diapit dek bonzer2 ...he..he ada berani?

Diapit pulo dek kakak2nyo..pon bonzer jugak to..siap cium pipi laie..wangi ko?

Brader Ujang siap buek tandok laie..

Gelaget cucu ucu.. anak camet ngan ijen.

Mak Teh : Kao bilo?
Zakri : Iss Mak Teh ni..lambek lagi...mudo laie..he..he

Duo-duo urang ko somut suko sobob darah manih!

Itie bergamba bersamo hantaren dari pihak laki2 . Selesai sudah satu majlis ... di kesempaten ini keluargo Ucu ingin ucopken trima kasih yang tak terhinggo pado semua yang datang pado hari tu.. Lopeh iko yang terdokek sekali Majlis Perkahwinen Ikin. Tarikhnyo 2.1.2010.. Tahun baru tu. Bueknyo di Dewen Gopeng..jangen lupo yo.. Jumpo kito semuo di sinun sok...insyaallah.
(Amin..arzone_71@yahoo.com)